الشروط

حاسبلي بيعمل إيه

بيسجّل مصاريف خروجة، بيقرا الفاتورة من صورتها، وبيحسب مين يحوّل لمين بأقل عدد تحويلات.

الأرقام اللي بتطلع منه مبنية على اللي إنت وأصحابك دخّلتوه. راجعها قبل ما حد يحوّل.

الفلوس مش بتعدي علينا

حاسبلي مش بنك ولا محفظة، ومفيش فلوس بتدخل ولا تخرج منه.

التحويل نفسه بيحصل بينكم على إنستاباي أو بأي طريقة تختاروها، وإحنا بنقول المبلغ والعنوان وبس.

الحساب بتاعك

الحساب على رقم موبايلك، والكود اللي بيوصلك على واتساب هو مفتاحه. خلي بالك منه.

اللي بتكتبه في الخروجة مسؤوليتك: متحطش صور ولا أسامي مش من حقك تحطها.

لسه بيتبني

التطبيق لسه في أوله. ممكن يقف شوية، وممكن حاجة فيه تتغير.

لو لقيت حاجة غلط في الحسبة، قولنا وهنصلّحها.

لو عايز تسيبه

تقدر تبطّل تستخدمه وقت ما تحب، وتطلب مسح حسابك.

وإحنا كمان ممكن نقفل حساب بيستخدم التطبيق في حاجة مش مظبوطة.

لو الشروط اتغيرت

هنحدّث الصفحة دي، والتاريخ اللي فوق هيقول امتى.

لو عندك سؤال

ابعتلنا على واتساب وهنرد.