الخصوصية

اللي بنحتفظ بيه

رقم موبايلك أو إيميلك، على حسب إنت دخلت بإيه. بيوصلك عليه الكود، وحساب الخروجة لما تتقفل. مفيش باسورد أصلاً.

لو دخلت بجوجل: بيدونا إيميلك، اسمك، ورقم بيميّز حسابك عندهم. مش بناخد صورتك.

الاسم اللي إنت كاتبه، عشان أصحابك يعرفوك في الخروجة.

الخروجات اللي إنت فيها: المصاريف، المبالغ، ومين دفع إيه.

عنوان إنستاباي بتاعك لو كتبته إنت. اختياري، وبيبان بس للي هيحوّلك.

صور الفواتير

أول ما تصوّر فاتورة، الصورة بتتخزن عندنا وبتروح لخدمة قراية بره (Google Gemini) عشان تطلّع الأصناف والمبالغ.

اللي بيروح هو صورة الفاتورة بس. مفيش اسمك ولا رقمك ولا حاجة عن الخروجة.

الصورة بتفضل متعلّقة في الخروجة لحد ما تمسحها إنت أو الخروجة تتمسح.

مين بيشوف بياناتك

اللي معاك في الخروجة بيشوفوا اسمك، اللي دفعته، ونصيبك. دي الفكرة كلها.

أول ما الخروجة تتقفل بنبعت لكل واحد عليه فلوس المبلغ والعنوان: على واتساب لو معانا رقمه، وعلى الإيميل لو مش معانا غيره.

مش بنبيع بياناتك ولا بنأجرها لحد، ومفيش إعلانات.

اللي بنقيسه

بنعد الصفحات اللي بتتفتح والخطوات اللي بتتعمل، بأداة شغالة على السيرفر بتاعنا. مفيش كوكيز ومفيش طرف تالت.

اللينكات بتتنضف في الموبايل قبل ما يتبعت أي حاجة: لينك الدعوة بيتشال، وأرقام الموبايل والإيميلات بتتشال. اللي بيوصلنا رقم بس.

قد إيه بنحتفظ بيها

الخروجة وصورها بيفضلوا موجودين طول ما حسابك موجود، عشان ترجع تشوف خروجة قديمة وقت ما تحب.

تقدر تمسح حسابك من صفحة «إنت» جوه التطبيق، وصفحة 7asebly.com/delete-account بتقول بالظبط إيه اللي بيتمسح.

حقك

تقدر تشوف وتغيّر اسمك واللينك اللي بتستلم بيه من صفحة «إنت» جوه التطبيق.

تقدر تمسح أي صورة فاتورة إنت اللي صوّرتها.

تقدر تمسح حسابك وقت ما تحب. رقمك وإيميلك واللينك بيتمسحوا معاه، والخروجة اللي كان فيها ناس تانية بيفضل عليها اسمك على كرسيك عشان حساباتهم تفضل مظبوطة.

لو عندك سؤال

ابعتلنا على واتساب وهنرد.